■पर्यावरण दिवस पर विशेष कविता : दुर्गा प्रसाद पारकर.

♀ आओ पेड़ लगावव

आओ सब झिन जुरमिल के
परिया म पेड़़ लगाबोन
चातर चातर दिखत हवय
ओ जगह ल हरियाबोन

बड़े होही रूख राई ह ताहन
एकरे छइंहा म थिराबोन
रुख राई के जतन करके
अपन धरम ल निभाबोन

रूख राई ह छइंहा के संग म
फल फूल हमला दिही
जहरिला हवा ल पी पी के संगी
आक्सीजन हमला दिही

तिही पाय के काहत हँव
पेड़ लगा भर के नइ छोड़न
पेड़ लगा के जतन करे बर
अपन मुंहु ल झन मोड़न

लगे लगाए पेड़ ल संगी
कटे ले बचावव
जिनगी भर संग दिही
सब झिन ल समझावव
आओ पेड़ लगावव

■कवि संपर्क-
■79995 16642

◆◆◆ ◆◆◆