होली विशेष : डॉ नीलकंठ देवांगन

🌸 होरी तिहार
– डॉ. नीलकंठ देवांगन
[शिवधाम कोडिया, दुर्ग, छत्तीसगढ़]

संगी गावौ रे फगुनवा गीत
आये हाबै होरी के तिहार
प्रेम रंग मं रंगौ जम्मो मीत
आये हाबै होरी के तिहार

बगिया बन फूले देख
कोइली कुहकुहात हे
अमुवा के मऊर देख
मन हा फुदफुदात हे
गावौ गावौ रे खुशी के गीत
आये हाबै होरी के तिहार

नंगारा के घिड़की
मचे हे पारा पारा मं
डंडा के डंहकी
परे हे सबो पारा मं
आवौ आवौ रे उड़ा लौ अबीर
आये हाबै होरी के तिहार

रंग अउ गुलाल
चारों मुड़ा ले उड़त हे
लइका अउ सियान
एके रंग मं रंगत हे
डारौ डारौ रे रंगे पिरीत
आये हाबै होरी के तिहार

गांव अउ शहर सबो
माते हे उमंग मं
कोनो ककरो बैरी नइये
रंगे हे प्रेम रंग मं
लेवौ लेवौ रे मन ल सबके जीत
आये हाबै होरी के तिहार

•डॉ.नीलकंठ देवांगन
•संपर्क –
•84355 52828

🌸🌸🌸🌸🌸