रामलला प्राण प्रतिष्ठा पर विशेष : कमलेश प्रसाद शर्माबाबू

🕉
जय श्रीराम : जयकारी छंद

होवत हे मंदिर निरमान। जल्द विराजव जी भगवान।
आवव-आवव मोरे राम। अपन ठउर मा राखव धाम।
जय श्री राम 🙏
आज अवधपुर लगय अपार। लगथे जइसे सरग दुवार।
रघुपति राघव राजा राम।नवा साल मा बनगे धाम।
जय श्री राम 🙏

जघा-जघा गूँजत हे नाम।सकल विश्व के दाता राम।
हमर देश के हे पहिचान। पथरा कठवा में भगवान।।
जय श्री राम 🙏

तोर नाम के हे बड़ शोर। भजथें ठग ठाकुर अउ चोर।।
राम नाम के हे परताप।पथरा तउँरे अपने आप।।
जय श्री राम 🙏

आवत हे शुभ तिथि अउ वार।राम लला सजही दरबार।।
खोर गली घर राखव लीप। सुघ्घर बारव घर-घर दीप।।
जय प्रभु राम 🙏

•कमलेश प्रसाद शर्माबाबू कटंगी जिला- केसीजी, छत्तीसगढ़ से हैं.
•संपर्क-99775 33375

🟥🟥🟥🟥🟥🟥