कविता : कहाँ गे वो दिन – डॉ. दीनदयाल दिल्लीवार [अनुवादक दुर्गा प्रसाद पारकर]

सुरता आथे घेरी बेरी वो गाँव के जमाना
वो पहाटिया के अलगोजवा,वो नाचा गाना |

संझा चौपाल म बेफिकर होके मनखे मन
मिटाथे दिन भर के थकान करके गाना बजाना |

खार म लहरावत डोली धनहा के हरियर पाना
वोला देख के किसान मनके रहि रहि के मुस्कराना |

घठौंदा म जावत कुलकत नोनी मन के टोली
मयारू करा आए रिहिन पानी पीए के बहाना |

संझौती बेरा घर लहुटत गाय मन के घंटी
महतारी ल अगोरत बछरू मन के रम्भाना |

मुंह जम्हावत शायद लोगन मन काहत होंही
गुजर गे वो दिन ,गुजर गे वो जमाना |

•संपर्क –
•79995 16642

🟥🟥🟥