कृष्ण जन्माष्टमी पर विशेष : आठे कन्हैया – डॉ. दीक्षा चौबे [दुर्ग छत्तीसगढ़]

फूल के पलना फूल के डोरी ,सुघ्घर हमन बनाबो ।
जनम धरे हे नन्द लाला चलव सखी झुलना झुलाबो ।

स्याम सलोना चंचल नैना ,अद्भुत रूप लला के ।
खुशी मनावय नन्द यशोदा , दरस करावै बला के।
ढोल नगाड़ा बाजा बजत हे , हमू ह सोहर गाबो ।।
जनम धरे ….

सुघ्घर छबि निहारे लला के , छाती म मया अमागे ।
दरस पाके मन नई भरत हे, सब्बो बिरज मोहागे ।
कजरारी आँखी वाले कन्हाई के, हमू हर दर्शन पाबो ।।
जनम धरे…..

जसोदा हँसावय लोरी सुनावय , छाती अपन लगावय ।
मंगल गावय लाई बरसावै खुशी के आँसू बोहावय ।
अंगना उठय सुख के लहरा , ओमा हमू नहाबो ।।
जनम धरे..…

•संपर्क –
•94241 32359

🟥🟥🟥