🏀 हरेली पर विशेष रचना : डॉ. बलदाऊ राम साहू.

🏀 परब हरेली

छत्तीसगढ़ के परब हरेली
चलो आज मनाबोन
जीव-जंतु सब रुख-राई के
जस ल मिल के गाबोन।

हरियर-हरियर खेत-खार सब
धरती होगे हरियर
मुसकावत हे हलधर भाई
दिखथे मन के फरिहर।

भाव मान के परब हमर हे
अंतस भाव ल जानन
काबर करथन पूजा अरचन
ग्यानी जन ले जानन।

नांगर-बक्खर रापा, गैंती
पावत हावय आदर
चोवा-च॔दन ददा करत हे
जस गावत हे बादर।

गुरहा-चीला, गुलगुल भजिया,
के हम भोग चढ़ाथन
अभार जताथन निरजीव के
अउ असीस हम पाथन।

जग मा अइसन कउन परब हे
मान निरजीव पाथे
खोजव मनखे ये दुनिया मा
जउन जस ल गाथे।

जउन महत हे हमर परब के
हर्षित मन हम गान
जस ला येकर बगराबन अउ
मान गजब हम पान।

०संपर्क –
०94076 50458

🏀🏀🏀