बाल कविता : कमलेश प्रसाद शर्माबाबू [कटंगी-गंडई, जिला- केसीजी, छत्तीसगढ़]

🟥
साबुन

सुघ्घर-सुघ्घर प्यारा साबुन।
सबके हवय दुलारा साबुन।।

बढ़िया काम आथे साबुन।
साफ सफाई बनाथे साबुन।।

रंग-बिरंग के आथे साबुन।
खुशबू दे ममहाथे साबुन।

बड़ मया बरसाथे साबुन।
कीटाणु दूर भगाथे साबुन।।

कपड़ा ल उजराथे साबुन।
शरीर स्वच्छ बनाथे साबुन।।

🟥
नाश्ता

सोनू मोनू बबली छोटी।
खाथे सबझन डबलरोटी।

पों-पों,पों-पों वो बजावय ।
रोज बिहँन्चा ले बलावय।

नान्हे- नान्हे छोटे लइका ।
धरय नही थोरको सँइता।

नाच-नाच के वोमन खाथें।
थोरिक मा ही रिसा जाथें ।

पोहा मैगी व नूडल पास्ता।
आनी-बानी के आगे नास्ता।

नंदावत बबरा फरा चिला।
खावँय सबझन माई पिला ।

•संपर्क-
•99775 33375

▪️▪️▪️▪️▪️▪️▪️▪️▪️▪️▪️▪️