परवल होथे गुणकारी- बलदाऊ राम साहू
परवल होथे गुणकारी
जब बजार मा परवल आथे
सबके मन ला गजब रिझाथे।
हरियरे – हरियर धारीदार हे
बन जाये तब मजेदार हे।
भरवा, भुँजवा गजब मिठाथे
सुरपुट रसदार तको सुहाथे।
होथे ये ह गजब गुनकारी
सुग्घर तुम बनावौ तरकारी।
परवल कब्ज के हरे दवाई
अउर खून के करे सफाई।
छिलका म होथे मैग्नीशियम
फास्फोरस अउ हे सोडियम।
कोलेस्ट्रॉल ला करथे दूर
येमा विटामिन हे भरपूर।
सर्दी खाँसी न होये बुखार
पीलिया के करथे उपचार।
दूर करथे स्किन इंफेक्शन
करे बेहतर इम्यून सिस्टम।
रक्त-पित्त बर ये लाभकारी
सच कहत हौं नो हे लबारी।
कवि संपर्क-
94076-50458
chhattisgarhaaspaas
विज्ञापन (Advertisement)
ब्रेकिंग न्यूज़
कविता
कहानी
लेख
राजनीति न्यूज़