■ तीजा के तिहार ■ डॉ. बलदाऊ राम साहू.

♀ तीन दिन के होथे तीजा के तिहार.
♀ किरपा राहय भोले हरदम तोहार.
-डॉ. बलदाऊ राम साहू
[ दुर्ग-छत्तीसगढ़. ]

झप ले आबे रे तीजा अउ पोरा
साल भर के होथे तोरेच अगोरा

मान के हरे परब कइथे सँगवारी
हाँसत हम जाथन ददा के दुवारी.

मइके के माया ल कइसे भुलावन
जिनगी के सुख बर करू भात खावन.

आठ दिन म आथे आठे कन्हाई
उही दिन ले सुरता करथे दादा-भाई.

महतारी के मया, भौजी के ताना
आँखी के आँसू मा दिखथे जमाना.

गोठबात सुन-सुन दुख ला बिसराथन
मुँहू के गोठ ला पेट मा पचाथन.

कतरा, सिंघाड़ा अउ सूजी बनाथन
ठेठरी अउ खुरमी ला पेट भर खान.

सस्ताहा लेथे दादा हर लुगरा
मन नइ आये तब करथन हम झगरा.

तीन दिन के होथे तीजा के तिहार
किरपा राहय भोले हरदम तोहार.

●कवि संपर्क-
●94076 50458

■■■ ■■■