■गांधी बबा. ■डॉ. बलदाऊ राम साहू.

♀ गाँधी बबा
♀ डॉ. बलदाऊ राम साहू
[ न्यू आदर्श नगर, दुर्ग,छत्तीसगढ़ ]

एक बेर तैं धरती मा आ जाबे गांधी बबा
ठलहा मन ला थोरिक समझा जाबे गांधी बबा।

चौबीस घंटा मंद म माते रहिथे जउन मन ह
उन ला तैं रद्दा तनिक देखा जाबे गांधी बबा।

सरकारी चाँऊर खाके इतरावत हे ये मन ह
मिहनत के परिभाषा तैं बता जाबे गांधी बबा।

हाथ म हाथ धर के कब तक ये मन  बइठे रहही
जिनगी के मतलब तैं  समझा जाबे गांधी बबा।

अपन मरे बिन कौनो ला सरग हर तो दिखय नहीं
इंकरो मन  मा  सपना नवा जगा जाबे गांधी बबा।

■कवि संपर्क-
■94076 50458

●●● ●●●